Reverse Concordance of Example Sentences

unified alphabetization

jijet -A    -B    -C    -D    -E    -F    -G    -H    -I    -J    -K    -L    -M    -N    -O    -P    -R    -S    -T    -U    -V    -X    -Y

( 47 )

1.	“Ekar jijet ke ikar wanlōñ waj,” iba ñan Jema ke ej erre tok.	“He was sitting up when I went up to get you,” I told Father when he looked at me. [P1090]	waj
2.	“Ekwe,” iba innem jijet laḷ ḷọk i turin Kapen eo.	“Okay,” I said as I sat down next to the Captain. [P1096]	turu-
3.	“Eṃṃan wōt ñe jej jijet wōt im kōnono,” Bojin eo ekwaḷọk an lelotaan.	“It must be nice to be able to just sit there and tell people what to do,” the Boatswain said with obvious resentment. [P1288]	lotaan
4.	“Ioḷe Bojin e, pojak waj im kab jibwe tok nien dān ṇe,” Kapen eo ekar kōnono ḷọk jān ijo ej jijet im ṃōñā ie.	“Mr. Boatswain, go over and be ready to pass up the water container,” the Captain called over from where he was sitting and eating. [P1287]	ḷe
5.	“Kapen eo eṇ eruj im jijet,” iba.	“The Captain woke up and sat up,” I said. [P1083]	ruj
6.	“Koṃro deḷọñ tok im jijet,” eba.	“The two of you come in and sit down,” he said. [P232]	koṃro
7.	Ālikin an kar to laḷ ḷọk im bar buuḷiḷọk injin eo, Jema ewanlōñ tak im jijet ioon ṃōn injin eo.	After going down and revving the engine, Father came up and took a seat on the roof of the engine room. [P491]	buuḷ
8.	Eitok im kōṃṃan limen im jijet ijo erjel idaak kọpe.	He came over and poured his beverage and sat down where the three of them drank coffee. [P275]	kōṃṃan
9.	Ej jijet ioon kappe.	He is sitting on the bank.	kappe
10.	Ej ṃōj aō ajej ḷọk kijeerro Bojin eo ak ibaj jijet laḷ ḷọk im dao.	As soon as I was done dividing out food for him and the Boatswain I sat down and started eating. [P1280]	kije-
11.	Ejej en ekar bar kōnono ak kōmmān jijet laḷ ḷọk im dao.	No one said anything else; we all just sat there and ate. [P966]	dao
12.	Eṃōj aerjel jijet i turin wūpaaj eo im daak kọpe.	They were already sitting around the stove drinking coffee. [P958]	wūpaaj
13.	Eṃōj aerjel jijet i turin wūpaaj eo im daak kọpe.	They were already sitting around the stove drinking coffee. [P958]	idaak
14.	Eṃōj kōjenolọke jikin jijet ko an ri-al ro.	The singers have been given special seats.	al
15.	Etke kwōj jab jijet wōt	Why don't you settle down?	jijet
16.	Etke kwōjaam jijet im ālkurkur	Why are you sitting with your back turned?	ālkurkur
17.	Iba wōt ej baj ṃōṃan wōt an pād ak iḷak ilbōk elōñjak im jijet.	I thought he was fine but was startled when he roused and sat up. [P1081]	lōñjak
18.	Ibōk kabwin ti eo liṃō im juon kijō jiḷaitin pilawā im ṃōṃakūt bwe en or jikin an Kapen eo jijet ijo	I took my cup of tea and a slice of bread and moved over to make space for the Captain to sit. [P272]	jiḷait
19.	Ij jijet bajjek	I'm just sitting.	bajjek
20.	Itok ijjiiō im jijet ie	Come here and sit down.	ijjiiō
21.	Itok ijo im jijet ie	Come here and sit.	ijo
22.	Itok im jijet jetakū	Come sit to the east of me.	jetak
23.	Itōm jijet turū	Come sit by me.	turu-
24.	Jab jijet laḷ bwe enaaj tōtoon (ettoon) kapiṃ	Don't sit on the ground or the seat of your pants will get dirty.	kapi-
25.	Jeeknaan rej jijet laḷ	Commoners sit on the floor.	jeeknaan
26.	Jema ejijet ḷọk ilo kōjām eo im ña ibaj jijet ḷọk iturin.	Father sat down at the door and I sat down next to him. [P242]	kōjām
27.	Jema ekar atartar i turin tāāñin dān eo, Bojin eo ej jijet i tōrerein wa eo im kattotoik neen, ak Kapen eo eṃōj an ḷōke jila eo im ej jutak im jebwebwe.	Father was leaning against the water tank, the Boatswain was sitting with his feet hanging over the side of the boat, and the Captain was straddling the tiller and standing up steering. [P1033]	toto
28.	Jema eḷọñjak jān ijo ekar jijet ie im ba, “Ekwe kōṃro ej ḷe nejū ja etal in lo ḷọk irooj eṇ ad ṃokta jān an mejki.	Father got up from where he had been sitting and said, “Alright, my son and I are just going to go visit our chief before he gets sleepy. [P214]	lōñjak
29.	Jibboñon eo juon iḷak itok ñan ioon teek, erjel ej jijet bajjek	The next morning I went up to the deck and the three of them were all just sitting around. [P981]	jibboñōn eo turun inne
30.	Jijet ioon jea eṇ.	Sit on that chair.	jea
31.	Kajiṃwe aṃ jijet bwe etōplik tōpar wa ṇe	Sit properly because the canoe is unbalanced.	tōplik tōpar
32.	Kapen eo emake wōt i lowa bwe kōmjel kar jijet im bwilōñ ijo i lōñ kōn an kilep im meram wa eo.	The Captain was all by himself down below because the three of us were sitting and marveling over the size and brightness of the boat. [P1152]	bwilōñ
33.	Ke ekar tōpar kūrọọjti eo, ebuñjenōṃ ḷak bwijbwij, ekā lōñ ḷọk im jok ioon im jijet.	When he reached the cross-stick at the top of the mast, he suddenly started kicking, then he jumped up to the top and landed on it and sat down. [P1192]	bwijbwij
34.	Ke ekar tōpar kūrọọjti eo, ebuñjenōṃ ḷak bwijbwij, ekā lōñ ḷọk im jok ioon im jijet.	When he reached the cross-stick at the top of the mast he suddenly started kicking then he jumped up to the top and landed on it and sat down. [P1192]	kūrọọjti
35.	Ke kōṃro ej jikrōk ḷọk ilo etōñaakin ṃweo, Jema eṃōkaj im iọkiọkwe ḷọk irooj eo ej jijet ippān lejḷā eo.	When we approached the veranda of the house, Father quickly greeted the chief who was sitting with his wife. [P228]	lejḷā
36.	Kōm ar jijet em kōkeṇaakak (ekkeṇaakak) ilo ruuṃ eo.	We sat crowded in the room.	keṇaak
37.	Komaroñ jijet ijjiiō ak ijjieṇ, ijo wōt kwokōṇaan.	You can sit here or there, wherever you prefer.	ijjiiō
38.	Kōrā ro rej jijet ilo ere eo.	The women are sitting on the canoe platform.	ere
39.	Kwaar jijet ioon im kaḷoktōke.	You sat on it and wrinkled it.	ḷoktōk
40.	Kwōn jab kajijete bwe ejaje jijet.	Don't make him sit because he doesn't know how yet.	jijet
41.	Kwōn jijet jitṃanṃan	Be seated comfortably	jitṃanṃan
42.	Kwōn jijet tok joujo.	Sit down right here.	joujo
43.	Ledik eo ear ailṃō wōt ijo ej jijet ie kōn an ḷap an būroṃōj. Ledik eo ear ailṃō wōt ijo ej jijet ie kōn an ḷap an būroṃōj.	The girl just sat there sobbing because of her great sorrow.	ailṃō
44.	Ledik eo ear ailṃō wōt ijo ej jijet ie kōn an ḷap an būroṃōj. Ledik eo ear ailṃō wōt ijo ej jijet ie kōn an ḷap an būroṃōj.	The girl just sat there sobbing because of her great sorrow.	ailṃō
45.	Lewaj miār e im jijet raan	Here's a mat for you to sit on.	miar
46.	Liiō kwōn lale aṃ jijet bwe ewaḷọk lotōñaṃ.	Lady, watch the way you're sitting because you're exposing yourself.	lọtōñā
47.	Ri-pālle rej kowawa ne ñe rej jijet.	Americans cross their legs when sitting.	kowawa

-A    -B    -C    -D    -E    -F    -G    -H    -I    -J    -K    -L    -M    -N    -O    -P    -R    -S    -T    -U    -V    -X    -Y